🟪 अखंड हरिनाम सप्ताह व संगीत श्री संत नामदेव गाथा पारायण सोहळा

मुख्य संपादक - भाग्यवंत नायकुडे 6 months ago

🟪 अखंड हरिनाम सप्ताह व संगीत श्री संत नामदेव गाथा पारायण सोहळा

अकलूज वैभव न्यूज नेटवर्क

संकलक : आकाश भाग्यवंत नायकुडे

अकलूज दिनांक 11/05/2026 : पुरुषोत्तम मासाच्या पवित्र पर्वकाळावर श्रीक्षेत्र पंढरपूर (भक्तीधाम 65 एकर चंद्रभागे शेजारी) येथे रविवार दिनांक 17 मे 2026 ते रविवार दिनांक 24 मे 2026 या कालावधीत भव्य दिव्य स्वरूपात हरिनाम सप्ताहाचे आयोजन केले आहे. अशी माहिती स्वागताध्यक्ष ह.भ.प. श्रीगुरु बापूसाहेब महाराज देहूकर (श्री गुरु देहूकर महाराज फड, मालक श्रीक्षेत्र पंढरपूर) यांनी “अकलूज वैभव” व “वृत्त एकसत्ता” चे संस्थापक संपादक, सेवा जेष्ठ पत्रकार भाग्यवंत लक्ष्मण नायकुडे यांना सांगितली. स्वागताध्यक्ष ह भ प श्री श्रीगुरु बापूसाहेब महाराज देहूकर हे सोमवार दिनांक 11 मे रोजी कोळेगाव येथे कै. निवृत्ती नामदेव दुपडे यांचे प्रथम पुण्यस्मरणा निमित्त फुलाचे किर्तन सेवेसाठी आले असता व्यासपीठावर अखंड हरिनाम सप्ताहाची कार्यक्रम पत्रिका वृत्त प्रसिद्धी करिता पत्रकार भाग्यवंत लक्ष्मण नायकुडे यांना देत असताना ते बोलत होते. ह.भ.प. श्रीगुरु बापूसाहेब महाराज देहूकर यांच्या हस्ते कार्यक्रम पत्रिका स्वीकारताना व्यासपीठावर कोळेगाव येथील सुप्रसिद्ध त्रिवेणी संगम देवस्थानचे सर्वेसर्वा ह.भ.प. दत्तात्रय महाराज दुपडे, माळशिरस तालुका काँग्रेस कमिटीचे तालुकाध्यक्ष गिरीश प्रभाकर शेटे, ह.भ.प. माऊली महाराज हेटकळे, दिपक महाराज दुपडे यांच्यासह दिग्गज मान्यवर उपस्थित होते.

श्रीक्षेत्र पंढरपूर, माढा, मोहोळ, सांगोला, मंगळवेढा, माळशिरस, करमाळा, बार्शी, उत्तर सोलापूर, दक्षिण सोलापूर, अक्कलकोट व समस्त सोलापूर जिल्हा व इंदापूर, बारामती, आटपाडी, फलटण इत्यादी तालुक्यातील वारकरी संप्रदायातील मान्यवर आयोजकांच्या वतीने आयोजित केलेला हा अपूर्व असा सोहळा होईल.

श्री संत ज्ञानेश्वर महाराज 750 वा जन्मोत्सव सोहळा, संत नामदेव महाराज, संत जनाबाई व आदी 14 संतांचा 675 समाधी सोहळा, श्री संत सावता महाराज 775 वा जन्मोत्सव सोहळा, श्री संत जगद्गुरु तुकाराम महाराज 375 वा सदेह वैकुंठगमन सोहळा, श्री संत जनार्दन पंत देशपांडे देवगिरी 450 वा समाधी सोहळा, श्री तपोनिधी नारायण महाराज देहूकर 375 वा जन्मोत्सव सोहळा आधी करून संत महात्म्यांच्या उत्सवाची

वैशिष्ट्ये म्हणजे प्रतिदिन 11000 गाथावाचक, प्रतिदिन 1000 टाळकरी, प्रतिदिन 25 मृदुंग वादक, 24 तास अखंड भजन प्रहरा,

🟢 शनिवार दिनांक 16/5/ 2026 रोजी दुपारी 3 ते 5 वाजता श्रीक्षेत्र पंढरपुरास क्षेत्र प्रदक्षिणा व भव्य दिव्य मिरवणूक होणार आहे.

🔵 दिंडी वैशिष्ट्ये : ३७५ धर्म ध्वजधारी, 375 कलशधारी, 375 तुलसीधारी, 375 कीर्तनकार, 375 टाळकरी, 375 मृदुंग सेवक, 375 ब्रह्म विनाधारी, 375 चोपदार, ३७५ तुकाराम नावाच्या व्यक्ती, 750 ज्ञानेश्वर नावाच्या व्यक्ती, 675 नामदेव नावाच्या व्यक्ती, ६७५ जनाबाई नावाच्या महिला.

🟣 दैनंदिन कार्यक्रम: दररोज पहाटे 4 ते 6 काकडा, सकाळी 6 ते 11 श्री नामदेव गाथा पारायण, सकाळी ११ ते १२:३० कीर्तन, दुपारी 1 ते 3 भोजन व वारकरी नित्यनेमांचे भजन, दुपारी 3 ते 3:30 हरिपाठ, दुपारी 3: 30 ते 5:30 श्री नामदेव महाराज जीवन चरित्र कथा, सायंकाळी 6 ते 8 किर्तन, रात्री 8 ते 10 वाजेपर्यंत भोजन व नंतर हरिजागर.

🟡 श्रीक्षेत्र पंढरपूर वर व भव्य दिव्य दिंडी मिरवणुकीवर हेलिकॉप्टरने पुष्पवृष्टी. हेलिकॉप्टर सौजन्य श्री गोसेवक संजय बापू वालवडकर, वालेवाडी, पुणे.

🟡 प्रवचन सेवा शनिवार दिनांक 16 मे 2026 रोजी सायंकाळी सात ते आठ वाजता ह भ प श्री गुरु राणा महाराज वासकर श्री शेत्र पंढरपूर श्री गुरु वासकर महाराज फड मालक.

🟨 पंढरपूर येथे आयोजित केलेल्या अखंड हरिनाम सप्ताह व संगीत श्री संत नामदेव गाथा पारायण सोहळ्यामध्ये दैनंदिन किर्तन सेवा श्री संतचरणी अर्पण करणारे किर्तनकार याप्रमाणे आहेत. रविवार दिनांक 17 मे 2026 रोजी सकाळी 11 ते 12:30 ह भ प सुधाकर महाराज इंगळे (सोलापूर), सायंकाळी 6 ते 8 श्रीगुरु चैतन्य महाराज देगलूरकर, दिनांक 18 मे सकाळी ह भ प प्रभूराज महाराज वासकर (श्री गुरु वासकर महाराज फड मालक श्री क्षेत्र पंढरपूर), सायंकाळी ह भ प कृष्णा महाराज चवरे (श्री आंबेकर आजरेकर फड मालक, श्री क्षेत्र पंढरपूर) 19 मे रोजी सकाळी ह भ प भागवत महाराज शिरवळकर (श्री संत गंगूकाका शिरवळकर फडाचे मालक श्री क्षेत्र पंढरपूर), सायंकाळी ह भ प श्रीगुरु बाळासाहेब महाराज देहूकर (श्री संत तुकाराम महाराज वंशज व श्रीगुरु देहूकर फड मालक श्री क्षेत्र पंढरपूर), 20 मे रोजी सकाळी ह भ प श्रीराम महाराज झिंजुर्के (शेवगाव, अहिल्यानगर), सायंकाळी ह भ प श्रीगुरु बंडातात्या कराडकर (व्यसनमुक्ती युवक संघ महाराष्ट्र राज्य), 21 मे रोजी सकाळी समस्त सोलापूर जिल्हा तर्फे किर्तन सेवा, सायंकाळी ह भ प श्रीगुरु माधव महाराज नामदास (श्री संत नामदेव महाराज वंशज व फड मालक श्री क्षेत्र पंढरपूर)

, 22 मे रोजी सकाळी समस्त सोलापूर जिल्हा तर्फे तर सायंकाळी ह भ प रामायणाचार्य नामदेव महाराज लबडे (श्रीक्षेत्र पंढरपूर), 23 मे रोजी सकाळी समस्त इंदापूर, बारामती व फलटण तालुका तर्फे तर सायंकाळी ह भ प ज्ञानेश्वर माऊली कदम (श्री क्षेत्र आळंदी देवाची), दिनांक 24 मे 2026 रोजी सकाळी 9 ते 11 या वेळेत ह भ प ज्ञानेश्वर माऊली कदम (श्री क्षेत्र आळंदी, देवाची) यांचे काल्याचे किर्तन होणार आहे.

या सप्ताह मध्ये दररोज दुपारी 3:30 ते 5:30 या वेळेत कथा प्रवक्ते ह भ प ज्ञानेश्वर माऊली कदम आळंदी देवाची यांच्या रसाळ वाणीतून श्री संत नामदेव महाराज जीवन चरित्र कथा होणार आहे तरी या अति भव्य स्वरूपात आयोजित केलेल्या धार्मिक सोहळ्यामध्ये सक्रिय सहभागी होऊन हा सोहळा साजरा करावा असे आवाहन स्वागताध्यक्ष शांती ब्रह्म गुरुवर्य हभप श्री मारोती बाबा कुरेकर, स्वागताध्यक्ष श्रीगुरु ह भ प गहिनीनाथ महाराज औसेकर, स्वागताध्यक्ष ह भ प गुरुवर्य माणिक महाराज मोरे (श्री क्षेत्र देहू संस्थान) आणि स्वागताध्यक्ष ह.भ.प. श्रीगुरु बापूसाहेब महाराज देहूकर (श्री गुरु देहूकर महाराज फड, मालक श्रीक्षेत्र पंढरपूर) यांनी प्रसिद्धी माध्यमाद्वारे केले आहे.