🔰 सदाशिवराव माने विद्यालयाचे वेटलिफ्टिंगमध्ये घवघवीत यश 🟣 ११ खेळाडूंची पुणे विभागीय स्पर्धेसाठी निवड; बुद्धिबळातील नऊ व तायक्वांदोतील एका खेळाडूची जिल्हास्तरावर धडक

मुख्य संपादक - भाग्यवंत नायकुडे 1 month ago 1 minute read

🔰 सदाशिवराव माने विद्यालयाचे वेटलिफ्टिंगमध्ये घवघवीत यश
🟣 ११ खेळाडूंची पुणे विभागीय स्पर्धेसाठी निवड; बुद्धिबळातील नऊ व तायक्वांदोतील एका खेळाडूची जिल्हास्तरावर धडक

अकलूज वैभव न्यूज नेटवर्क
आकाश भाग्यवंत नायकुडे
अकलूज दिनांक 21/9/2026 :
अकलूज येथे दि. १६ सप्टेंबर रोजी आयोजित करण्यात आलेल्या जिल्हास्तरीय शालेय वेटलिफ्टिंग तसेच तालुकास्तरीय तायक्वांदो व बुद्धिबळ स्पर्धेत सदाशिवराव माने विद्यालयाच्या खेळाडूंनी दमदार कामगिरी करत घवघवीत यश संपादन केले. वेटलिफ्टिंग स्पर्धेत विद्यालयाच्या ११ खेळाडूंनी प्रथम क्रमांक मिळवत पुणे विभागीय स्पर्धेसाठी आपली निवड निश्चित केली. तसेच तालुकास्तरीय बुद्धिबळ स्पर्धेत नऊ, तर तायक्वांदो स्पर्धेत एका खेळाडूची जिल्हास्तरीय स्पर्धेसाठी निवड झाली आहे.
वेटलिफ्टिंग स्पर्धेत १७ वर्षे वयोगटात निहाल शेख (५६ किलो), सार्थक काळे (७९ किलो), सुजल धडांबे (८८ किलो), जय इंगवले-देशमुख (७१ किलो), अजिंक्यराणा घाडगे (७९ किलो), राम गायकवाड (५६) व सानिका जाधव (७७ किलो) यांनी आपल्या वजनगटात प्रथम क्रमांक पटकावला.
१९ वर्षे वयोगटात वैभवी साळुंखे (६९ किलो), विराज पोमणे (७९ किलो), तृप्ती चव्हाण (८८ किलो) व वैष्णवी कदम (८८ किलो) यांनी प्रथम क्रमांक मिळवत उल्लेखनीय कामगिरी केली. या सर्व खेळाडूंची पुणे येथे होणाऱ्या विभागीय वेटलिफ्टिंग स्पर्धेसाठी निवड झाली आहे.
तालुकास्तरीय बुद्धिबळ स्पर्धेतही विद्यालयाच्या विद्यार्थ्यांनी चमकदार कामगिरी केली. १४ वर्षे वयोगटात आर्या पवार हिने प्रथम, विनय रणसुभे याने द्वितीय, तर अथर्व पताळे याने पाचवा क्रमांक मिळविला. १७ वर्षे वयोगटात विनीत रणसुभे व वैष्णवी राजगे यांनी प्रथम, तर आदर्श कांबळे याने चौथा क्रमांक पटकावला. १९ वर्षे वयोगटात तेजश्री चव्हाण व श्रीतेज भोसले यांनी अनुक्रमे प्रथम व द्वितीय, तर आदिनाथ हवाले याने तृतीय क्रमांक मिळविला. या नऊ खेळाडूंची जिल्हास्तरीय बुद्धिबळ स्पर्धेसाठी निवड झाली आहे.
तायक्वांदो स्पर्धेत आर्या पवार हिने प्रथम क्रमांक मिळवत जिल्हास्तरीय स्पर्धेसाठी पात्रता मिळविली.
या यशस्वी खेळाडूंना क्रीडा शिक्षक संजय राऊत, उमेश भिंगे, भीमाशंकर पाटील व भीमराव दुधाळ यांचे मार्गदर्शन लाभले. विद्यालयाच्या वतीने सर्व विजेत्या खेळाडूंचा यथोचित सत्कार करण्यात आला.
यावेळी बोलताना मुख्याध्यापक अमोल फुले यांनी, “कठोर परिश्रम, नियमित सराव आणि क्रीडा शिक्षकांचे अनमोल मार्गदर्शन यामुळे विद्यार्थ्यांनी हे यश संपादन केले आहे,” असे सांगितले.
विद्यार्थ्यांच्या या उल्लेखनीय कामगिरीबद्दल शि.प्र. मंडळ, अकलूज संस्थेचे मार्गदर्शक संचालक जयसिंह मोहिते-पाटील, अध्यक्ष संग्रामसिंह मोहिते-पाटील, संचालिका कु. स्वरूपाराणी मोहिते-पाटील, विद्यालयाचे सभापती चि. सयाजीराजे मोहिते-पाटील, संस्थेचे सचिव अभिजित रनवरे, सहसचिव हर्षवर्धन खराडे-पाटील, सर्व संचालक, मुख्याध्यापक अमोल फुले , उपमुख्याध्यापक दत्तात्रय घंटे, उपप्राचार्य सुभाष मुंडफणे, संजय जाधव, पर्यवेक्षक राजेंद्र धोत्रे, सुजित कांबळे, शिक्षक प्रतिनिधी, क्रीडा शिक्षक, सर्व शिक्षक-शिक्षकेत्तर कर्मचारी तसेच पालकांनी विद्यार्थ्यांचे अभिनंदन केले. आगामी विभागीय व जिल्हास्तरीय स्पर्धांसाठी सर्व खेळाडूंना शुभेच्छा देण्यात आल्या.