सामाजिक

🔰 शासनामार्फत वनहक्क अंतिम करण्यासाठी “१७ सप्टेंबर ते २ आक्टोबर २०२६ अभियान” सुरू 🟢 वनहक्क अंतिम करण्यासाठी दावे दाखल करावेत संजय वाघमोडे

मुख्य संपादक - भाग्यवंत नायकुडे 4 weeks ago 1 minute read

🔰 शासनामार्फत वनहक्क अंतिम करण्यासाठी “१७ सप्टेंबर ते २ आक्टोबर २०२६ अभियान” सुरू

🟢 वनहक्क अंतिम करण्यासाठी दावे दाखल करावेत
संजय वाघमोडे

अकलूज वैभव न्यूज नेटवर्क
वृत्त एकसत्ता न्यूज
कोल्हापूर/ प्रतिनिधी – वनहद्दीत राहणाऱ्या धनगर समाजासह इतर पारंपरिक वननिवासींच्या वनहक्काचे प्रश्न, सोडविण्यासाठी अभियान, शिबिरे आयोजित करण्यात यावीत. अशी मागणी पालकमंत्री प्रकाश आबिटकर यांच्या कडे संघटनेच्या वतीने करण्यात आली होती तसेच याबाबत बैठक ही घेण्यात आली होती. निवेदनाच्या प्रती मुख्यमंत्री, वनमंत्री, महसूल मंत्री, यांना ही पाठवण्यात आल्या होत्या. यशवंत क्रांती च्या निवेदनाची दखल घेऊन शासनामार्फत वनहक्क अंतिम करण्यासाठी “१७ सप्टेंबर ते २ आक्टोबर २०२६ अभियान” सुरू करण्यात आले आहे. याचा फायदा पारंपरिक वननिवासी व अनुसूचित जमाती मधील वनहद्दीत (जंगलात) राहणाऱ्या नागरीकांनी घ्यावा. असे आवाहन यशवंत क्रांती संघटनेचे संस्थापक अध्यक्ष संजय वाघमोडे यांनी केले. संघटनेच्या वतीने गारगोटी येथे ग्राम वनहक्क समितीकडून परिपूर्ण वनहक्क दावे प्रांताधिकारी हरिष सुळ साहेब यांच्या कडे सुपुर्द करण्यात आले. उपस्थित पारंपरिक वननिवासींच्या मेळाव्यात ते बोलत होते. जिल्हा संपर्क प्रमुख सुनील शेळके, उत्तम तांदळे, यांनी ही आपले मनोगत व्यक्त केले.
याबाबत बोलताना ते पुढे म्हणाले कि वन अधिकारी कर्मचारी यांच्या मनमानी कारभार विना नोटीस अतिक्रमण काढण्याची कार्यवाही, त्यातून निर्माण होणारा संघर्ष हे कुठे तरी थांबून पिढ्यानपिढ्या जंगलात राहणाऱ्या वननिवासींना आपले हक्काचे घर व जमीन मिळाली पाहिजे. परंतु अशिक्षित वननिवासींना माहिती नसल्याने व पासून वनहक्क दावे कसे दाखल करावेत याबाबत कार्यशाळा होत नसल्याने. दावे दाखल होत नाहीत. दावे दाखल झाले तरीही अनेक वर्षे त्यावर निर्णय होत नाही. एकुण ३८५० प्राप्त दाव्यापैकी २२५२ दावे जिल्हा वनहक्क समितीस प्राप्त त्यापैकी १५४८ दावे मंजूर झालेले आहेत. तेही अत्यंत मागणी पेक्षा अत्यंत कमी क्षेत्र मंजूर झाले आहे. लोक फक्त हेलपाटे घालून घालून थकलेले आहेत काही दावे कुठे आहेत हि माहितीही दावे धारकांना नसते. वनहक्क ठराव दाखल होत नसल्याने त्यांना आपल्या हक्काचे घर व जमीन मिळत नाही. ते यशवंत क्रांती संघटनेच्या माध्यमातून मिळवून देऊ त्या साठी वननिवासींनी आपले वनहक्क अंतिम करण्यासाठी दावे दाखल करावेत. यासाठी संघटनेच्या पदाधिकाऱ्यांनी धनगर वाड्यावर जाऊन यांची वननिवासींना माहिती देऊन जास्तीत जास्त दावे दाखल करण्यासाठी प्रयत्न करावेत.
यावेळी शाम जंगले यांचे अभिनंदन करण्यात आले. शाम जंगले यांच्या माध्यमातून आज ५० वनहक्क दावे दाखल करण्यात येत आहेत.
यावेळी कोल्हापूर जिल्हा संपर्कप्रमुख मा.श्री.सुनिल शेळके
रामचंद्र तातू पटकारे ,लक्ष्मण तातू पटकरे, चंद्रकांत इंजु शिंदे, संतोष काशीराम पटकरे, विठ्ठल मालोजी शिंदे, गौरव सुरेश पटकारे, ज्ञानेश्वर जनार्दन पटकारे, श्याम बाबू जंगले, जनार्दन धाकू जंगले, धाकू इंजू जंगले, बाबू धोंडू शिंदे, नाना जाणू खरात, सोनाबाई विठ्ठल खरात, कोंडीबा गंगाराम कात्रुट, धाकलू नवलू येडगे, विठ्ठल धुळु अडुळकर, लक्ष्मण धोंडीबा गावडे, धूळ मालू यमकर, झिमदेव विठोबा बिचुकले, देवबा विठोबा कस्तुरे, देवबा भागुजी कस्तुरे, याच्यासह पारंपरिक वननिवासी धनगर बांधव मोठ्या संख्येने उपस्थित होते.